Sa tingin nyo ba pagkatapos Niyang magik-magikang i-manufacture in 7-days rush ang mundo eh ang gusto nyang ilagay na pangalan sa etiketa ng universe na may-ari ng factory ay “Anonymous” lang? Anong tingin nyo sa ginawa ni Father God, globong gawa lang sa styrofoam tapos planets na may nakatusok na alambre? Si David Blaine nga nagseself-produce ng mga magic nya, ang Diyos pa kayang parang sawsaw-suka lang ang mga ginagawang magic ni Blaine?

Siyempre gusto niyang ipangalandakan sa kanyang madlang nilalang na Siya ang author ng Genesis hanggang Revelation… Siya ang programmer ng alpha and omega -the first and the last- na talaga namang magpapaamag sa Microsoft Windows ni Bill Gates… Siya ang engineer ng lahat ng known at unknown galaxies (naamaze kayo sa stonehenge pero dito di kayo naamaze?)… Siya ang biochemist ng all living matter… Siya ang physicist ng sub-atomic particles ng tinatapakan mo ngayon, Chorva lang kay Dearest God ang gravitational force via apple sent ni Newton at ang pinagyayabang na Radium ng mag-asawang Curie… Siya ang sumisigaw ng lights, camera, action ng lahat ng nangyari sa World History (Herodotus, sabi ni direk mag-research ka pa daw)… Siya ang writer ng lahat ng buhay ng taong tumapak sa mundong ito (Ricky Lee, anong Walang Himalang pinagsususulat mo jan ha?)…

sa lahat ng ginawang yan ng Diyos nagmukha lang baby thesis ang Theory of Evolution ni Charles Darwin… parang 1+1 lang ang E=mc² ang equation ni Einstein… nagmukha lang baging ang times ten na haba ng Golden Gates ng New York… pinagpatung-patong na lego lang ang Empire State Building… parang pinulot lang sa junk shop ang mga invention ni thomas edison… at parang utak pang-autistic (educationally challenged) kahit mag-group study pa ang lahat ng mga nobel prize awardee kumpara sa walastek na utak ni Papa God… para sa kanya patawa lang tayo at sinasabi niyang “Weeeh… Wala na ba kayong mas gagaling jan?”… isipin mo na lang kelangan pang mabulag ni gallileo gallilee para lang malaman na tayo ang umiikot sa sun… kelangan pang mag saranggola ni Benjamin Franklin at mamatay ang isang Russian prince sa pagiging gaya-gaya puto maya para lang malaman ang tungkol sa kuryente… kelangan pang amagin si Fleming para lang magkaroon ng antibiotic at sumaya ang mga taong may sakit na dulot ng kalandian samantalang di man lang pinawisan ang kilikili ni Papa God nung ginawa nya yang mga yan…

Isipin mo na lang gagawa ba ang Diyos ng 66 books na love letter (total books of the bible— hmmm rev siopao, bro. utoy, tama ba? Hehe.. sabay kamot ulo) kung hindi Niya gustong makilala natin Siya? pero mas gusto mo pang magbasa ng twilight…Try mong gumawa ng ganung kahabang love letter malamang namatay na lang yung nililigawan mo di ka pa sinasagot…

Sa palagay mo ba ng isinama ni Papa Jesus ang 12 apostles sa kanya eh gusto niya lang gumawa ng Barkadahang Walang Iwanan? O gusto nya lang magkaroon ng sariling PSG? O kaya naman bagong chapter ng Tau Gamma? Ano feeling niyo, yung Last Supper eh just another Inuman Session tapos yung pang-tagay nila eh ginawang memorabilia, tinawag na lang nilang Holy Grail para may nickname at saka controversial tapos yung pulutan nila eh tinawag na lang na katawan ng diyos para swabe?.. yung immaculate conception ni Mommy Mary eh “in-vitro fertilization” lang?.. at higit sa lahat gusto lang magpapaprint ng sariling mukha na parang Bob Marley lang pero mas astig kasi nasa shroud siya at ang ink eh sariling dugo ni Pape Jesus nung nagpapako siya sa Krus? Sus, wala yun nang popower trip lang siguro si Father God tutal hindi naman KJ ang only son nya kasi nakisakay pa sa trip niya…mas maganda pa nga siguro kung ganyan ang kwento baka kasi sakaling naniwala pa tayo sa Kanya…

Alam nyo yun? Mas madali para sa atin na maniwala sa UFO, unggoy na naging tao, mga lamang lupa, at aksidenteng big-bang theory kesa sa Diyos; eh kung iisipin lahat ng ebidensya na totoo siya eh nakapaligid sayo … Siguro kung ang Diyos ay matinee idol na makalaglag panty ang ngiti at may breathtaking kindat… o kaya quadruple-double ang stat every game, 6 straight MVP, no-look pass, 360 degree-dunk sabay lipat ng bola sa kaliwang kamay habang nakalabas ang dila at butt slap pagkatapos… o kaya naman rapper na may six-packs, na parang bagsak ang pwet kung makapagpantalon at parang walking-chandelier sa dami ng bling-bling… na rakistang muhang di naliligo, galit sa sakanya, galit sayo at galit sa sarili kaya napagtripang magpakamatay as a recreation… o kaya naman babaeng mukhang na multiple choice na ang bawat parte ng katawan bago magpasalamat po duktor, yung boobs na parang laging water balloon na sasabog at pwet na parang kahit naka-upo eh nagbobounce… siguro kung ganyan si Father God eh baka dun lang natin maiisipan na ilagay ang picture niya sa kwarto at isearch sa web para sambahin lang siya…

Nakakahiya tayo no? Buti na lang hindi asar-talo si Lord nung paulit-ulit natin siyang dinuduga… Hindi siya rumesbak nung binully yung anak niya… Ang galing lang kasi kahit abala tayo sa paghahasik ng lagim nakukuha pa ni Lord na gumawa ng mabuti… siguro wala ng trabaho ang mga kampon ng masasama kasi naka-automatic “on” na naman tayo eh….

Lahat naman tayo mamamatay.. walang kasiguraduhan kung sino ang magkakaroon ng sedula sa langit o ang magkakaroon ng life sentence or rather after-life sentence sa Tropang Pinagbibidahan ni Satanas… Si BJ (baby jesus) lang ata ang congenitally na may one way ticket reservation diretso sa kanang upuan ni Lovingly Father… pero ikaw? Wala ka bang balak na makilala Siya? Kasi Siya matagal ka na nyang Tinetext pero wala kang load, Pini-pm sa ym pero busy ka sa forum na puro kamunduhan… Siya na nga ang pinakapapansin sa lahat kasi lahat na ginawa nya para lang mag hi-hello ka… Minsan naman lumingon ka sakanya, para maranasan mo talaga kung anong ibig sabihin ng “Love at First Sight”

“MAGSITAYO PO TAYONG LAHAT AT SABAY-SABAY NATING AWITIN ANG PAPURI SA DIYOS” hehe.. nacarried away lang ako wala pala tayo sa misa… GODTRULYROCKS.. cheers? Cheers!!!!;p

Glesy the Great

alam kong busy ka sa party mo na sky is the limit  jan sa langit… siyempre anniv ng muling pagkabuhay mo… sa linggong to, pinaalala mo na naman na TL ka sa mga peeps na nilikha ni Daddy mo… mejo matigas lang talaga ulo namin kasi kahit ilang taon ng lumipas nung naging SuperHero ka (kahit pagsama-samahin pa ang justice league, anime at all star cast ng cartoon network)  eh kina-career pa rin namin ang pagiging bratty… pero wala pa ring mas titigas sa ulo mo kasi naging walang kamatayang hobby mo na ang patawarin kaming mga suwail mong chikiting… the best ka talaga…

oo nga pala, sorry nga pala sa mga nagawa kong kasalanan, di ko mapapangakong di na mauulit yun kasi alam mo naman ako, mejo uto-uto kay bad boy satan minsan… sorry kung lagi kang nadidisappoint sa aming mga creations mo at marami ka ng nagiging katunggali sa aming mga fans mo… sorry na di namin natupad ang Last Will and Testament mo na maging magaling na mayordoma ng buong nilikha mo… tingnan mo naman tong mundong to: ang dugyot na nga,  amoy “Eau de  Anghit” pa… dapat nga matagal mo na kaming sinisante at tinapon sa kangkungan pero dahil the best kang amo, di ka pa rin nagsasawang swelduhan kami ng mga blessings… sorry na kahit ayaw mo kaming napapatrouble eh ang hilig pa namin sa gulo… dati sampalan at sabunutan lang ang alam namin pero ngayon nagbabarilan, nagsasaksakan, at nagbobombahan na kami… at kung di man kami nagsasakitan eh napapabilis pa ang paggawa ng laway namin sa chismisan at siraan namin sa isa’t-isa… ako na ang magsosorry at nabuo ang “the buzz, showbiz linggo at star talk”… di  pwedeng maging rason na its part of growing-up naming mga kids mo kasi pa-grabe ng pa-grabe ang pinapauso naming mga kasalanan… sorry at di maubos-ubos ang mga manyak at mga kiri dito sa mundo… sorry kung pang-oscar awards ang mga script na nagagawa naming kasinungalingan.. sorry na imbes na ang hilingin namin eh mapalapit sayo eh mas gusto pa namin na humiga sa salapi,  maging politiko na kurakot at maging mukhang pinaglihi sa hollywood star…

saka sorry nga pala na nung bata ako takot ako sa mga kodak mo… bata pa ako nun kaya di ko pa alam na sobrang gwapo ka pala… sus parang di mo naman alam na cute ka… at ngayong matanda na ako na-aappreciate ko na ang kagandahan mong lalaki saka syempre ang mga swabe mong one liner na words of wisdom… at dahil dun kulang pa ang thumbs up ng centipede para sa ka-astigan mo…

teka yung kiss ko? mwah… o hug naman.. yaannnnnnn…

sa post na to… hindi ako ang the great…. Ikaw yun…;p-PAPAJESUSTRULYROCKS

cheers ba cheers? Cheers!!!!!!!

Mga langgam dito sa amin parang Hukbo ng Sandatahang Rebolusyonaryong Nagkakaisa… Tama ba namang gawing Camp Aguinaldo yung keyboard namin? Hindi ko alam kung bakit pero ang hilig-hilig nilang ilaan para sa mga pabahay project nila ang keyboard ko… Habang ako eh hirap na hirap magpipindot times ten para sa isang letter lang dahil mukhang tinirikan na naman ng mga langgam ng livelihood community ang isang piraso ng pindutan ko… at di lang yon guys, mukhang may bagong batalyon na naman ng mga langgam ang magsisililipat bahay papunta sa keyboard ko…

Kung makapag martsa sila sa harapan ko parang buong giting pa nilang sinisigaw ang “The Proud, The Few, The Marines!!!” Lahat na ata ng massacre pinlano ko na with military precision, pero parang may ninong ata to sa furenaria, may renta na sa sementeryo at may insurance na ang mga mahal sa buhay kaya hindi na takot mamatay… sana alam nyo yung feeling na tuwing sa pag-aakala kong namamatay na sila at unti-unti ko ng nacoconquer ang mga barracks nila eh saka naman sila magpapasiklab ng kanilang sandatahang lakas… parang “mama mia, here we go again”… feeling ko mga sacrificial lambs lang yung mga pinapabayaan nilang patayin ko… mas malupit pa rin talaga ang counter-terrorist operations nila, parang ako yung nagmumukhang burot every encounter namin… isang langgam muna lalabas, kulang na lang torotot at bandera mukha ng parade of colours tapos hanggang maya-maya magsusunuran na ang mga disipulo at mga propeta… Akala mo mga bugtong na anak ni Bathala kung magpakita sakin… Kung makapang-akyat panaog akala mo mga titulado at mga priviliged citizens ng keyboard ko… Akala mo may legal rights na manirahan sa keyboard ko., grabe, so kapal di ba?..  Kaya bago pa ako maging proud owner ng isang ant farm at baka biglang maisipan nilang magrelocate at pagtulung-tulungang i-bayanihan ang keyboard ko, dinispatya ko na ang pest infested kong keyboard…

Pero okay na rin to kesa naman dati na nakikidagdag pa sa sakit ng ulo ko ang printer namin… May pagka-printer-slash-thumbprint-slash-shredder ang printer namin dati eh… In its best times magpriprint siya ng maayos at walang kapalya-palya pero in its worst times eh kung mag-print parang mas mababasa mo pa thumbmark ko kesa yung printout nya… meron pang pakulo yan na mukhang Bar Code yung pagkakaprint kasi talaga namang mas malupit pa ang stripes nya kesa sa balat ng Zebra… kelangan mong maging higly literate with a twenty-tweny vision para lang mabasa siya pero siyempre practice makes perfect… and i got a lot of practice…

Meron once, nagpuyat ako sa paggawa ng case presentation namin, mejo malapit na akong mangisay sa pagod at pagpriprint na lang talaga ang itutulog ko.. pero nag-uumpisa pa lang akong matulog na parang tupa ng biglang magising ako na may ugong ng bulldozer na dumadaan sa loob ng bahay namin.. pagtingin ko sa printer naming walang silbi, on process na niyang ginawang Origami Art ang mga papel ko!!! Tupi-tupi na nga, punit-punit pa… yung tipong kulang na lang calligraphy eh paper fan na siya… matatanggap ko pa kung kalabaw siya para araruhin na parang sakahan yung mga papel ko.. pero hindi eh.. PRINTER siya!!! PRINTER!!! ano ba namang mahirap intiindihin dun?… sumagot kayo!!! ano? BOW

cheers!!

glesy the great ;p

Nung kuriputin ng globe ang unlimited promo nila dati, isa ako sa mga umangal na akala mo pinagkaitan ng buong article ng karapatang pantao… “Una na nilang tinanggal ang drop call, tapos ngayon naman yang unli ko… ano naman ang isusunod nila, ang puri namin!?!!!” Halos 7 days of God’s holy week ata akong unli ng mga pinagpalang araw na yun na parang 7-eleven in its grand-opening lagi ang load ko, kulang na lang eh ribbon cutting araw-araw… Para rin akong NSO na may census ng Globe user’s… During peak days, kaya kong punuin ang inbox mo kung mejo maliit ang space nyan, tipong kahit wala kang load eh magloload ka para lang murahin ako at bantaan ang aking buhay… mejo pindot to the max ako noon na kung meron lang group of muscles sa may hinlalaki malamang may six packs na siya…  hindi lang letter ng keypad ko ang matatanggal pati na siguro ang thumbmark ko… Damang-dama ko ang the power of communication noon, daig ko pa ang naka-kapa, naka-tiara at baston… Kung si beethoven kayang mag-piano ng completely deaf, ako naman kaya kong magtext ng completely blind at may kasama pang smilies… kung ung Typing na subject ko nung college eh cellphone at hindi typewriter malamang isang hambog at kumakalampag na UNO ang grade ko at pwede na ring mag-resign ang prof ko…

Kaya naman nung tinanggal nila ang halos 10 peso a day na unli… parang may punitan ng cedula sa balintawak na mangyayari sa pagkatao ko… Pero…

Ngayon? Di ba kayo naaasar sa mga chain messages na ipinapangako ang karumaldumal mong kamatayan kung di mo siya isesend sa lahat ng tao sa phonebook mo … kasi ako asar na asar na rin ako sa mga ganyang messages… parang gusto kong hanapin kong sino ang puno’t dulo ng text na yan at ipadanas ang sarili nyang description ng karumal-dumal na kamatayan with personalized bonus pa galing sakin…

Meron pang nagtetext na akala mo eh galing sya sa sarili kong tadyang kung humirit ng… “Hon, loadan mo ako ng 150” kaya naman ang reply ko kagad eh “Hon, mo mukha mo!!!”… Iba naman kasi ang kurba ng mukha sa kapal ng mga taong yan di ba? ako nga hindi nakakapagload ng 150 tapos ikaw pa loloadan ko!?!

At mga text na “phwedeh bhang mhakipag-text mhate?” di ba umuulang ng “H”? di mo alam kung kakaburot lang sa scrabble nitong taong to… Kaya ang reply ko na lang eh walang kagatol-gatol na “SINOH TOHHHHHHHHHHHH?” baka kasi matuwa siya pag nabasa nya ang favorite letter nya… kaya lang napa-isip ako, baka kasi sa sobrang tuwa nya eh tumawag pa sya… at nung sinabi na niya ang pangalan nya…  na ang hilig pang magforward ng mga chipanggang mga text messages in the middle of the night… ang sabi ko na lang eh “textmate tayo after 1 week bagong nakaw ko lang tong cellphone na to eh… kakapatay ko pa lang sa dating may-ari, baka mahuli ako” at to complete the message meron pa akong “Sssshhhhhhhhhhhhh!!!” sa huli para matapos na ang mundo ng “H”

yun lang.. bow, cheers;p-glesy the great

content of this entry was transferred to another page…

basta ibang page.. secret walang clue…. punta ka dito kung di mo pa nababasa… at magcomment ka kung ayaw mong magkalimutan tayo…  cheers;p-glesy the great

Naranasan mo na bang matulog na parang kindat at kurap lang ang itinulog mo?  sa sobrang ikli, parang di ka man lang binigyan ng chance na tumulo ang laway habang natutulog… nag uumpisa pa lang mag hello world ang laway mo eh kelangan mo na pala kagad bumangon… parang di nga man lang napanis laway mo kasi pag gising mo parang bagong toothbrush pa rin ang pakiramdam mo…minty fresh breath ika nga… nag-e-ehem-ehem pa nga lang ang hilik mo at hindi pa kumukulot-kulot…  pagbangon mo pwede ka na kagad bumili ng pandesal sa kanto ng walang hilamos kasi willing kang itaya ang puri mo na wala kang muta… at pinapakilala pa lang ang mga characters sa panaginip mo eh bigla ka na lang magigising kasi minumura ka na ng malutong ng alarm clock mo…

kahit siguro gaano kalaki  at kabilog ang mata mo eh sisingkit at sisingkit pa rin yan pag naranasan mo ang ganitong tulog na parang isinangla lang sayo… kahit siguro kwago kayang gawing mukhang chekwa… siguro kung kumanta ka na lang ng twinkle, twinkle little star ng dalawampung beses habang nakapikit eh ganun lang din ang katumbas ng tulog mo… ewan ko kung tulog bang matatawag yun…

at alam nyo kung anong naging consequence sakin ng ganyang tulog? dahil sa sobrang antok ko sa jeep,  sa malayuang tingin para akong nang-aagaw ng halik sa katabi ko… mukha akong anchors away sa loob ng jeep… (anchors away=ride sa enchanted kingdom)… siguro nakakagulat yung animo’y pagdamba ko… akala mo kung sinong ginugulat kasi may kasama pang kalampag… pansin ko pati mga kasama ko as jeep nagugulat na may kasamang takot…  akala siguro nila mag-aannounce ako ng “holdap to, walang kikilos ng masama”

welcome to me… happy to see myself na nagngangatngat na naman ng oras sa pagbloblog… cheers;p-glesy the great

wala ng drama-drama at ek-ek up to the heavens… gusto ko munang mag-hibernate sa internet… pwera na lang kung hindi talaga siya extra-curricular activity… pero kung mamataan nyo man ang bahid ko pwede nyo akong sitahin, bigyan ng tiket at mangotong sa akin… battle of will lang naman para sakin… a dare to beat lang… kasi di na naman ako marunong magpreno eh… di na ako kakaway kasi hindi ko alam kung kaya ko nga… kaya ko yan.. never say die… lablots at cheers;p-glesy the great

bow…

Balik WordPad na naman ako dahil ang walang kwentang MS Word ko nagmemeryenda ata at parang tumuloy na sa inuman!!! Taya ng mga programs sa PC ko para sa mga bagong saltang honored guests na Virus… ayun jamming na sila at parang lukso ng dugo lang ang naramdaman sa isa’t-isa dahil di man lang pumalag ang mga pulis pangkalawakan ng computer ko… Three-in-one na happenings ang naganap…

1. WELCOME PARTY- dahil pinili nilang tourist spot ang PC ko… may 21 gun salute pa at sabitan ng sampaguita!!! Akala mo high ranking official ang lumanding… papansin eh, nagpopop-up every 5 minutes… (Mabuhay!!! All your needs will be attended… Enjoy your stay!!!)

2. VICTORY PARTY- para sa pagkakapanalo sa deathmatch nila versus antivirus ng pc ko *drumroll*… wala… mismatch ang laban, nagkakape pa yung virus habang ininvade ang mga Baryo Bulok ng pc ko (hep-hep hooray!!!) at;

3. DESPIDIDA- para sa pag-aalsa balutan ng mga programs ng pc ko.. ang mga loko mukhang masaya pang aalis at kumakaway-kaway pa… at para sa nalalapit na pagpapareformat ng de-uling kong PC (Bon Voyage!!!)

Eh kasi naman ang inyong lingkod, yours truly, nakalimutang expired na pala ang anti-virus ko since the world began… may bago akong isinalang na anti-virus… bagong infantry division ika nga na itinalaga para sumugpo ng mga kalaban… ayun!!! pinagtatawanan lang ng mga illegal alien na immigrants sa sablay kong computer.. naka-arms of mass destruction ung mga bisitang virus na to na parang fit for world war III, samantalang ang pc ko naka-pana at gulok pa rin na panahon pa ng balangay ang mga armas at parang away-tribu lang ang pupuntahan… yung tipong umaamba palang yung kalaban tumakbo na kagad ng pagkalayo-layo na parang nakaangkas lang sa formula-one ni Michael Schumacher… parang laban-tanga lang ang kayang gawin ng mga bata ko… halatang ang battlecry nila eh, “Today is a good day to die”

pustahan o.. sino ang unang sisgaw ng “i surrender!” ang may mga resistensya builders na mga virus na to o ang computer ko… Landslide win eto…

bad trip ang dami niyang sakit, di ko alam kung kelan ipapaayos ng kapatid ko o kung may balak nga pa ba siyang ipaayos… clinical impression pa lang irreversible na, baka bago pa mabigyan ng final diagnosis eto, DEAD ON ARRIVAL NA!!! yabit tayo jan… leche talaga!!! Leche!!!

Akala nyo totoo noh? Sinulat ko yan October 18, 2006… Siyempre sa huli ko na ibinunyag na past post lang to…alam kong tamad magbasa ang iba jan pag re-post eh… may tinatapos lang akong mga promises kaya di ako makapag-blog… Hindi yan reposted from wordpress ha…sa friendster yan galing pero revised edition… aha mahuhuli ko ang mga taong hindi nagbabasa hanggang huli.. cheers;p

Glesy the Great

Malamang lahat naman tayo naranasan ng tumawid sa kalsadang parang sinisingil ka na sa lahat ng mga nagawa mong kasalanan… yung tipong magdadasal ka muna ng 1 our father, 3 hail mary’s at 4 glory be’s bago ka tumawid…  bago ka tumawid alam mong somewhere out there at the end of the road eh nandyan lang si kamatayan at nagkakape… at parang habang tumatawid ka pakiramdam mo hila-hila mo na ang karwahe ng kabaong mo… nasa gutter ka pa lang masyado ng obvious sa mga dumadaang sasakyan na handa na silang magkasala at pumatay ng tao… yung takbong nagsasabing “nagmamadali kami, kung gusto mong tumawid, eh sorry na lang gusto ko ring dumaan eh”… mga driver na willing silang gawin kang kalso… silang mga driver na balak kang ipangtapal sa mga lubak ng kalsada… at mga sasakyan na gusto ka ng ipakilala sa kabilang buhay… Lalo na ang mga bus na kung gaano karami ang seat capacity nila kasama na ang mga naka-standing ovation eh ganun na rin karami ang mga taong pinadama nila ng near death experience… hindi to OA, may ganyan talagang kalsada…

Meron pang mga instances na habang tumatawid ako eh isang kandirit na lang mababangga na ako ng sasakyan tapos pagtingin ko sa driver nakangiti pa sa’kin.. parang ganito pa gusto nyang sabihin: “Akala mo babanggain kita noh? Joke lang!!! Wala yun, kakalabitin ka lang ng bumper ko”… parang gusto kong bumili ng ten wheeler ng mga panahon na yun at kalabitin siya ng sampung gulong ng ten wheeler ko…

Meron pa akong kaibigan na kung maka-tawid akala mo gawa lang sa karton yung babangga sakanya… Parang hawak lang niya ang baston ni Moses at hahawi ang daan… Kahit nasa gitna kami ng kalsada sinigawan ko sa nanginginig na boses ng “P*$#^ i#@ ka!!! Nakainsurance na ba ang buhay mo ngayon? Pwes, ako hindi!!!”

Sineseryoso ko ang mga sign na may nakasulat na “Bawal tumawid, nakamamatay” kahit na nakasulat pa ito sa karatula at penmanship na parang “Room for Rent” lang ang nakalagay… Siguro naman di sila maglalagay ng ganun kung lahat ng nabangga dun eh himalang nakapaglakad at nabuhay ng muli…

Nangyari na rin sa akin na habang tumatawid ako ng banayad at walang alinlangan eh bigla na lang akong nadapa ng walang kapoise-poise at halatang hindi pinag handaan… kulang na lang kumembot ako paupo, steps na sana yun ng kantang “sit down, sit down, you’re rocking the boat”… ayun, lahat ng gamit ko sumang-himpapawid lahat at nagkalat sa daan… parang may naglaro ng tumbang preso sa kalsada at umuwi ng bahay ng hindi kinukuha ang mga pamato nila… mukha tuloy akong galing sa penitensya kasi pumasok ako sa skul na duguan ang tuhod… o di ba? Malayo pa lang ako, halatang tanga na yung tumatawid…

Out Of Topic: kanina pa ako labas ng labas ng bahay nakalimutan kong naka-head band pala ako na may bulaklak na pink na sobrang laki.. kaya pala tinitingnan ako ng mga kalalakihan at kababaihan alike….. ahaha.. akala ko nakakatibo na ako ngayon… leche… cheers;p

Glesy the Great